friends4ever
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

friends4ever

friends4ever
 
الرئيسيةالبوابةأحدث الصورالتسجيلدخول

 

 الجزء التاني من النكت

اذهب الى الأسفل 
3 مشترك
كاتب الموضوعرسالة
samora
(المشرفين)
(المشرفين)
samora


عدد الرسائل : 115
العمر : 34
تاريخ التسجيل : 04/08/2007

الجزء التاني من النكت Empty
مُساهمةموضوع: الجزء التاني من النكت   الجزء التاني من النكت Icon_minitimeالثلاثاء 09 أكتوبر 2007, 22:17

واحد صعيدى اتكرع موت ستة
المرور صاد واحد قاله الرقم الأمامي غير الخلفي قال طبيعي هو وشك زي أفاك
مره واحد محشش راح يعزي راح سأله واحد أنت عالزيت قال له لا أنا عالسمن
ديكين يحششوا بقفص دجاج.تاني يوم الصبح طلع الديك وقال: كوكايييييييين
مرة سيادة الريس حسني مبارك مد
>إيده في جيبه لقي 5 مليون جنيه!!فزعل قوي وخاف
>وقال إيه الفلوس دي؟ دي الفلوس دي حرام؟ فسأل أحد مساعديه فدله على طريق الشيخ طنطاوي رئيس الأزهر وقال
>له: اسأل الشيخ وهو يقول لك الحل. ما كدبش خبر
>وجري على طنطاوي وحكا له القصة فرد: 5 مليون بس إيه
>النزاهة دي؟ دي بسيطة خالص يا ريس ما تزعلش نفسك؟
>كل اللي هتعمله هتروح وتطوف حول الكعبة 10 مرات.
>الريس راح لقي عمنا عاطف عبيد فقال له: أنت بتعمل إيه
>هنا؟ أنت هتلف كام لفة؟ عمنا عاطف:78 لفة.
>الريس: يخرب بيتك أنت؟ ده أنت خربت البلد!! عمنا
>عاطف: أنت جاي علي انا؟ روح شوف علاء ابنك جايب موتوسيكل
>وبقاله 3 أيام بيلف
موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى
بلدياتنا أول مرة يشوف واحد فلبيني قال يا بخته ده شبعان نوم

واحد بلدياتنا راح يتمشى جابوه من على الحدود
مرة واحد بلدياتنا وقع فى حفرة نزلولوا حبل طلع مخنوق
الموساد قرر أنه يشغل جاسوس صعيدى عنده بعد طول بحث أستقروا على هريدى راحوا لهريدى و خدوه تل أبيب و قعدوا يدربوه 6 شهور و بعدها قالو ليه أنه كدة جاهز للمهمة بتاعته
هريدى : يعنى حارجع مصر
مدرب الموساد : أيوة .. تروح و تنفذ كل التعليمات اللى قلنالك عليها
هريدى : طب ازاى حاتصل بيكم
مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب يقوللك ازايك و ازاى امك .. تعرف أنه تبعنا .. ماشى يا هريدى
هريدى : تحت أمرك يا فندم
و بالفعل رجع هريدى مصر .. و بعد شهرين أحس الموساد انه لازم يتصل بهريدى .. فراحوا باعتينله مندوب
المندوب لبواب العمارة بتاعت هريدى : هو هريدى ساكن فى أنهى شقة
البواب : أنهى هريدى يا بيه .. العمارة فيها 4 هريدى
المندوب خاف لحسن العملية تنكشف : قولى شقة أى واحد فيهم
البواب : عندك واحد ساكن فى الدور الأول
طلع المندوب و خبط على الشقة اللى فى الدور الأول
المندوب : أنت هريدى .. ازايك و ازاى أمك
هريدى : أنت عايز هريدى الجاسوس .. هو ساكن فى الدور الرابع
مره واحد صعيدي ركب دماغه عمل حادثه

مرة واحد صعيدي نزل في محطة الرمل رجلة غرزت

ليه الصعيدي بيربي شنبه ؟؟؟؟؟؟ علشان الدبانه تمسح رجليها قبل ما تدخل
مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف
واحد صعيدي ربنا كرمه ، اشترى عمارة عشان يقف عليها بواب
أذا كنت عايز واحد صعيدي يضحك يوم الجمعة تعمل أيه تقوله نكتة يوم الخميس

فيه صعيدي نط من فوق سور المدرسه ليه؟
عايز يدرس في الخارج
واحد بلديتنا قاعد في موتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من 100 سنه
فقام واحد ايطالي و قال احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه
فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل علي ان من 5000 سنه كان عندنا المحمول
مرة واحد صعيدى زرع ارضة نصها رز ونصها عدس عشان يحصد كشرى
واحد صعيدى الشمس ضربتة عملها محضر
اتنين مساطيل طينة طلبت معاهم ان اول واحد
هيعدى من الشارع
يقطعوا رقبته ويلعبوا بيها كورة فلقوا واحد معدى من الشارع
اتارية
مسطول اكتر منهم المهم وقفوه وقالوله
احنا طلبت معانا نطير رقبتك ونلعب بيها كورة راح مطلع سكينة
وضربها
فى
دماغه وقالهم دا انا افسيها قبل ما
تلعبوا بيها..
فيه طالب شاطر جداً نجح في المدرسة وطلع من الأوائل وبعدها شفروه
محشش مسكته دوريه قالوا له اركب قال لا والله البيت قريب
واحد صعيدى دق مسمار فى صدر ابنه عشان يعلقله البزازة
مرة واحد صعيدى حط قنبلة يدوية تحت المخدة عشان لما تنفجر تصحيه
مرة واحد صعيدى شاف امه بتتحرق قالها منورة ياحاجة
واحد شرب المر رجعه.
واحد عداه العيب إستنى العيب اللي بعده.
ذهب رجل إلى مطعم, وعندما سأله النادل: هل تريد عشاء كامل؟ أجابه الرجل: وهل كامل لا يريد العشاء
في واحد غبي خلفت مراته لما طلعت الدكتوره , قالت له مبروك جالك تؤام!! دخل على امراته بالمسدس وقال الأول مني والثاني من مين
دكتور بيطري بيقول لمراته انا بهيم في حبك قالتله وانا ماقدرش ارفسلك طلب
الاب وابنه
تنين محششين، واحد يقول للثاني: عيني حمرا؟ قال له: ايوه. قال له: بتوجعني؟؟
مره واحده بتقول لجوزها "بتصدق إن أنا كل يوم بحلم بيوم جوازنا". قالها "هى لسه الكوابيس دى بتجيلك؟
كان في واحد شكله وحش قوي قوي قوي عايز يتجوز فراح واتقدم لوحده فبقول لابوها :انا يا عمي بلا فخر عملت نفسي بنفسي. فقاله الأب : ما انا برده بقول استحاله تكون خلقه ربنا
مرة واحد جالو ولد بعد سبع بنات سمى بدري
مرة اتنين اصحاب بيقولو ابعض تصدق انا الخدام بتاعى غبى اوى فالتانى قالوه لا ده انا الخدام بتاعى اغبى فقالوه الاولانى تعالى نشوف فجه الاول ونادى الخدام بتاعه وقالوه خد الربع جنيه ده وروح اشترى ليه عربيه مرسيدس والثاني نادى الخدام بتاعه وقالوه روح النادى وشوفنى هناك ولا لآ فراحوا الخدامين و اتقبلو فى السكه فواحد منهم قال للتانى تصدق الراجل اللى انا بشتغل عنده غبى اوى تصور بعتنى اشتريله عربيه و ما يعرفش ان انهارده الحد والمحلات قافلة فالتانى قاله لا ده انا بشتغل عند واح اغبى من بتاعك تصور بعتنى النادى اشوفه هناك يعنى مش قادر يرفع سماعة التليفون و يسأل على نفسه
قال الأول لصديقه: هل تقرضني خمسين دولار؟ الثاني: لايوجد معي سوى أربعين فقط. الأول: لا بأس أعطني الأربعين...وتصير مديناً لي بعشرة دولارات
واحد ماشي في الصحراء شاف واحد قاعد علي صخره وبيعمل فوووووووووو فوووووووو ... سابه ومشي ... و شويه شاف واحد تاني قاعد علي صخره وبيعمل عن عن عن عن ...... سابه ومشي... و شوية شاف واحد قاعد على صخرة بس ساكت ، قال له قاعد كدا ليه ؟؟؟؟ ده في اتنين مجانين قاعدين يعملوا فوووووو وعن عن عن ورا ، راح قال له ايه دا هما قربه ؟؟ فووووووووووووووووووووووووووووووووو
أغبيه راحو يلعبو بلياردو، واحد منهم وقف فوق الطرابيزة وقال لهم انا الجوووووون
واحدة حامل ولدت بنت الساعة خامسة الفجر .. جه جوزها وجاب البندقية و ... طخ البنت ........ وقال لأمها ماعندناش بنات تيجي في انصاص الليالى
اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش
مرة اتنين مساطيل قعد ين بيحششو فا فى واحد منهم لقى جنازة فى الشارع فقال للتانى هو مين الى مات قاله عمك احمد قاله الله يرحمه، فى اليوم التانى الناس عملو سوان للناس علشان ييجو يعزو، قاله هو مين الى مات قاله يابنى انا قلت لك عمك احمد قاله الله يرحمه، فى اليوم التالت شاف نفس السوان قاله هو مين الى مات رد عليه التانى قاله انا كل يوم اقولك ده عمك احمد راح رد عليه قاله هو مال عمك احمد بقاله تلت ايام الدنيا مخبطة معاه كدة ليه
محشش قطع رأس أخوه وهو نايم...وقعد يضحك ويقول: هيتجنن لما يصحى الصبح وميلقهاش

مرة واحد بيشتكي من الديدان اللي ف بطنه... داخ عند كل الدكاترة... محدش
عرف يعالجه... اخر حاجة قالوله فيه شيخ بيشفي من كل الامراض... راحله
واشتكي له حالته... قال له... مشكلتك بسيطة جدا... تروح عند محل بيبيع
بطيخ... وتشتري بطيخة حمرة وكبيرة... تقطع راسها وتقعد عليها... بيقوم
رئيس الديدان بينزل ويلحس منها شوية... ف هيلاقيها حلوة... هيقول
للديدان... شباب انزلوا... قام رايح صاحبنا واشتري اكبر بطيخة حمرا وقعد
عليها... نزل رئيس الديدان ولحس منها شوية ولقاها حلوة... قال لهم...
شباب طلعوها


محشش بيتصل بالمطافى: إيه يا جماعة؟ إذا ماكانش فى حريقةماحدش يشوفكوا

واحد نشر اعلان في الجريدة يقول فيه سوف يقام معرض للحمير يوم كذا ساعة كذا وفي اليوم المحدد ذهب مجموعة من الناس ولم يجدوا سوى أنفسهم

مرة واحد ظريف عاش في الدور.واحد أظرف منه عاش في الدور اللي فوقه


مدير مدرسة عمل فرح وزع على المعازيم أرقام جلوس

واحد شحات راح لواحد عجلاتي قال له أعطيني مما أعطاك الله، قال له
العجلاتي خد لك لفة.

واحد صعيدي راح امريكا لقى كل الشباب لابسين تشيرت مكتوب علية سفن
اب كوكاكولا - بيبسي
راح كتب على الجلابية عصير قصب

واحد راح الصيدلية وقال للدكتور : عايز لبن اطفال ..... الدكتور: اسمه ايه ؟
الراجل : اسمه اشرف

ترزي متجوز واحدة قصيرة فكلها التنية

واحد جزمجى زعل...جت له جزمة نفسيه

واحد جزمجى أبوه مات.......جه يعمل له أربعين طلع ضيق عليه ...عمل له 42

واحد جاله هبوط الدكتور كتبله على براشوط

صعيدي قالوله بكره عيد الحب قال : يوووه ايه الورطة دى! وده صلاته ازي.

حشاش شاف سوداني لابس جلابية بيضة ... قاله دي اول مرة اشوف ثلاجة موتورها لفوق

واحد ندل اشتغل في المطافى عبا حنفيات الحريق بنزين

واحد ندل جورج قرداحي اتصل بيه وقال له معنا صديقك وصل نصف مليون ريال محتاج مساعدتك قال: قل له نايم


اثنين أغبياء فى طياره معديه الأول قال إنها طياره الرئيس فقال الثاني إنها مش طياره الرئيس الأول والله دى طياره الرئيس الثاني لا مش طياره الرئيس فاتفقو أي حد معدى يسالوه فعدى واحد فسألوه دي طياره الرئيس فقالهم يا اغبياء طياره الرئيس بيمشي وراها موتوسكلات

حلاق راح السينما شاف فيلم سوالف النينجا

واحد بيقول لشيخ هو ينفع الصلاة من غير وضوء ...
قاله لأ ماينفعش طبعاً ..
قاله ايه رأيك جربت امبارح و نفعت

واحد صعيدي حب يعمل روش كتب على الشومة أديداس

واحد صعيدي عاوز يقتل مراته حطيلها مسدس في الشوربة

واحد سودانى اتجوز واحده سودانية خلفوا واد اشقر وعينيه زرقا سموه رجل المستحيل

مأذون مش لاقي شغلانة طلق مراته
ميكانيكي اشترى سرير نام تحته

قال الشاعر :ليس كل ما يذاكره الطالب يفهمه ...... وانما تأتي الامتحانات بما
لا تحتوي الكتب


مرة ممثل كبير جاله دور برد , رفضه

مرة مذيعة عملت عملية في ظهرها...شالولها فقرة ..و حطوا برنامج

اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم


واحد كمسري بيقول لابنه تذاااااااكـــــــــــــــــــــــر ............ . تنجح

حشاش بيقول لصاحبه:
انا حلمت امبارح أننا بقينا فنانين
.. أنت فنان تشكيلي ..... وأنا فنان أشكيلك

واحد سباك نفسه اتسدت غرقت الشقة


واحد غبى بيحلق دقنه التليفون رن عور نفسه علشان لما يرجع يعرف هو وقف لحد فين

طرزان شاف مامته بتلف ورق عنب.... قال لها
كم مرة قلت لك متلعبييييش فى الشورت بتاعى

سواق تاكسي قعدت جنبه بنت حلوة قوي قاللها : تعرفي تسوقي؟
قالتله : لأ
قالها : أنا تسوقي

واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر
فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟

مرة واحد صعيدى ادة ضهرة للترعة
البلهريسيا ادتتة على قفاه

حرامى راح يسرق بنك قلع كل هدومه ليه؟؟؟؟؟؟؟؟؟؟؟؟؟؟؟
عشان ميتمسكش متلبس


واحد مسطول راح يعدي علي واحد صحبة اعد ينادي يا محمد يا محمد رد علية ابو محمد
قال له محمد مش موجود قال السطول مادم هو مش موجود بتردو لية

مرة واحد صعيدي جيه يقفل التلفزيون
معرفش راح مواربه

مره فلاح كل ما يحط الحشيش للجموسه الفرخه تاكله فقالها لو كالتى الحشيش تانى انا هانتف ريشك
فحط تانى راحت الفرخه كالته راح ناتف ريشها ورميها فى العشه لواحدها
عدى ديك فشاف الفرخه قالها دعاره قلتله لا مخدرات

ظابط بيزعق لمواطن و بيقول له: "إنزل من ع الرصيف يا حمار!!!" المواطن قال له: "بس ماتقولش رصيف

مرة واحد صعيدى اتهموه بالذكاء، طلع براءة

صرصور طلع من خلاط كهربائى قال: يلعن أبوه اللى يدخل ملاهى مرة ثانية

فيه اربع صعايده دخلوا الإمتحان جلهم سؤال: كم عدد أرجل المعزه ؟
بعد الأمتحان طلعوا كلهم ماعدا حسنين ولما ظهر قالوا له ليه مغششتناش
قالهم : أصل المراقب كان جنبي وما قدرتش أطلع المعزه

مالفرق بين الزمالك والتاكسي؟
التاكسي بيشيل 4 والزمالك 6

وقف زمالكاوي بيشاور لتاكسي 6اكتوبر راح السواق قاله 6/1 ينفع

رجل لصديقه تعرف ان شبكة موبينيل وفودافون حتقفل التاني قاله ليه
قاله عشان شبكة عبد المنصف بتشيل اكتر

واحد قال للتاني
ايه الفرق بين الزمالك وبيرت بلاس
قاله بيرت بلاس 3*1 والزمالك 3 في عثد الواحد

عضو مجلس شعب صحوه من النوم... قال موافقة

مجموعه من بلدياتنا ماتوا غرقانين في غواصه وبعد التحقيق في الحادث أكتشفوا أن واحد فيهم سمع خبط بره راح فاتح الباب يشوف مين

واحد بلديتنا اشتره كمبيوتر شال الفاره وحط جاموسه

صعيدي حاطين صورته على
الاشارة لـــيييييييييييه؟.....احذر مفاجآت الطريق

مرة بدوي قال لأبوه: عايز آخذ نوكيا قال له:على جثتى
حتاخد بنت عمك


واحد فقير عدى من قدام الجزار وبص للحمة بتمعن ... وقال لها حتروحى النار

واحد مسطول دماغه لفت قابلها من الناحية التانية


مره واحد مسطول ماشى فى الشارع لقى مزيعه بتقوله لو سمحت فين القمر قالها اهوه قالتلو مبروك كسبت عشرين جنيه قالها فى واحد تانى هناك اهوه

واحد ضرب واحد محشش علي قفاه قاله جد ولا هزار فقاله جد فقاله اصل انا مابحبش الهزار

سلامــــــــــــــــــــــــــــــــــــــــــــــ ــــــــــــــــــــــــــــــــــــوز
الرجوع الى أعلى الصفحة اذهب الى الأسفل
https://shababiik.ahlamontada.com/
MoOnNa
((¯`·¸•´¯)الادارة(¯`·¸•´¯))
((¯`·¸•´¯)الادارة(¯`·¸•´¯))
MoOnNa


عدد الرسائل : 267
العمر : 34
تاريخ التسجيل : 04/08/2007

الجزء التاني من النكت Empty
مُساهمةموضوع: رد: الجزء التاني من النكت   الجزء التاني من النكت Icon_minitimeالثلاثاء 09 أكتوبر 2007, 22:51

ههههههههههههههههههههههههههههههههههههههههههههههههههههههه
الرجوع الى أعلى الصفحة اذهب الى الأسفل
https://shababiik.ahlamontada.com
SASSO
((¯`·¸•´¯)الادارة(¯`·¸•´¯))
((¯`·¸•´¯)الادارة(¯`·¸•´¯))
SASSO


عدد الرسائل : 349
العمر : 34
تاريخ التسجيل : 05/08/2007

الجزء التاني من النكت Empty
مُساهمةموضوع: رد: الجزء التاني من النكت   الجزء التاني من النكت Icon_minitimeالأربعاء 10 أكتوبر 2007, 01:36

ميرسى
الرجوع الى أعلى الصفحة اذهب الى الأسفل
 
الجزء التاني من النكت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
friends4ever :: منتدى الترفيه والريــــــــــــــــــــــــــــــــــــاضة :: منتدى الضحك والفرفشة-
انتقل الى: