دعاء مواطن مصري مطحون

زائر

دعاء مواطن مصري مطحون
اللهم أنقذنا من نرفزة الزملاء.. وغباء الأصدقاء ومفاجأة الأعداء
اللهم ارحمنا من استبياع الجيل الجديد.. وحرائق السكة الحديد
واستقصاد كل مدير.. ونداله القرايب الصغير منهم والكبير

اللهم أغثنا من كل عميل.. ومن فواتير موبينيل
اللهم أرحمنا من تشريفه عربيات المسئولين، وزحمة الشوارع في كل حين
وسحب الرخص في كل كمين.. من الغلبان مش م المتين

اللهم اهدى لنا سواقين الميكروباص
ومدير الشركة الباص
اللهم ارحمنا من الشئون القانونية
وشئون العاملين
واللي بيقفوا فـ وسط الشارع فجأة وبدون إشارة يمين

اللهم قنا شر الكليبات..
وشر شلل البنات.. ولؤم الستات وغباوة الحموات
والميني مم تشارج كافيهات..
وهيافة الصحف والمجلات
وقطع الحرارة فجأة عن التليفونات وقت الزنقات
والمدارس اللي بتطلب تبرعات بالألافات
ووقوع السيرفر وقفلة السايتات

اللهم ارفع مستوى الفريق القومي..
لمستوى أنبى والحدود.. أو حتى مستوى أسمنت أسيوط
أو أرسل يارب عليه
صاعقة.. بدل ما يخلونا نموت..

اللهم سدد أقساطنا.. وضلل عنا مآمير الضرايب
اللهم ارزق جيل الوسط عقود عمل في ليبيا وقطر
اللهم افتح لجيلنا القديم الطريق الفسيح
حتى ننظف انتخابات البلد من لعبة المراجيح
اللهم ارحمنا من الاكتئاب مرض العصر والشباب
واحمي يارب سماء مصر من سحابة الهباب
واكفنا شر صاحب الدقن الكداب
وصاحب تصريحات النصاب

اللهم ارزق كل بنت بعريس هدية..
وكل
شاب بوظيفة وشقة وعربية
اللهم أحرق الـ0900
واضرب الحرامية بالحرامية
ونجح أي طالب في أي كلية
حتى ولو كان في التربية الموسيقية

اللهم أمين
اللهم أمين
اللهم أمين
أمين يارب العالمين

اهم حاجة يا طماطم
غباء الاصدقاء
هههههههههههههههههههههههههههههههههههه

اميييييييييييين يا طمطم يارب

مرسي علي الدعاء الجامد دة
هههههههههههه

samiraa_89 كتب:: اهم حاجة يا طماطم
غباء الاصدقاء
هههههههههههههههههههههههههههههههههههه

فعلا يا سميرة معاكى حق والهى

bokiey كتب:: اميييييييييييين يا طمطم يارب

مرسي علي الدعاء الجامد دة
هههههههههههه

هههههههههههههههههههههه امين يا بوكى